參加短期拉柸體驗班的朋友，時常都會有一個奇怪的誤解。這個誤解在任何一個年頭都會重覆發生...
大部份的朋友看過電影「人鬼情未了」後，都會將自己當成戲中的男女主角一樣，只要將手放上拉柸機上的泥團，泥團便自自然然變成他/她們心目中的形狀。
當然坐了一分鐘、兩分鐘、三分鐘...十五分鐘...唉！點解重係一團泥，重要左搖右擺。這個情況當然正常，因為電影是夢工場囉！鏡頭後當然有師父出馬，如果唔係搞足一日都唔掂喇！所謂台上一分鐘，台下十年功，咪就係咁解囉！
我成日被參加短期拉柸體驗班的朋友問：「你教我整隻杯，我係唔係可以整隻杯？」
問依個問題，好明顯佢地高估咗自己，睇小咗團泥。要馴服團泥唔係你大力，佢就聽你話，係要剛柔並重先得！所以我成日都同D學生講：「如果你要造一個你心目中的形狀，你一定要自己同團泥有感覺，明白佢嘅特性，當佢同你人泥合一的時候，團泥先至會聽你指令變化。」當可以完全馴服團泥時候，就會發現造陶真是樂趣無窮。
希望大家唔好再被「人鬼情未了」誤導喇！
沒有留言:
發佈留言